सुनको मुल्य दुई हजार सात सय रूपैयाँले घट्यो

काठमाडौँः नेपाली सुनचाँदी बजारमा मंगलबार पनि सुनको मूल्य घटेको छ । आज सुनको मूल्य अघिल्लो दिनको तुलनामा प्रतितोला दुई हजार सात सय रूपैयाँ घटेको हो।

आज छापावाल सुन प्रतितोला एक लाख ३५ हजार पाँच सय रूपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । सोमबार उक्त सुन प्रतितोला एक लाख ३८ हजार दुई सय रूपैयाँमा कारोबार भएको थियो ।

यस्तै, मंगलबार तेजाबी सुन प्रतितोला एक लाख ३४ हजार आठ सय ५० रूपैयाँमा कारोबार भइरहेको छ । हिजो, तेजाबी सुन प्रतितोला एक लाख ३७ हजार पाँच सय ५० रूपैयाँमा कारोबार भएको थियो ।

त्यसैगरी, मंगलबार चाँदीको मूल्य पनि घटेको छ । आज चाँदी प्रतितोला ४५ रूपैयाँले घटेर १६ सय ६० रूपैयाँमा कारोबार भईरहेको महासंघले जनाएको छ ।