श्रावण ९, २०८२ शुक्रबार
July 25, 2025
युग खबर
२०८१ बैसाख १७, सोमबार
काठमाण्डौः अनुभवी ब्याट्सम्यान केन विलियम्सनलाई कप्तानको जिम्मेवारी दिँदै न्युजिल्यान्ड जुन १ देखि अमेरिका र वेस्ट इन्डिजमा हुने आइसिसी पुरुष टी-२० विश्वकपका लागि आफ्नो टोली घोषणा गर्ने पहिलो देश बनेको छ।
विलियम्सनसँगै तीव्र गतिको बलिङ जोडी टिम साउथी र ट्रेन्ट बोल्ट जस्ता अनुभवी खेलाडी समेट्दै १५ सदस्यीय टोली घोषणा गरिएको हो।
यो विलियम्सनको लागि टी-२० विश्वकपमा छैटौं र कप्तानको रूपमा चौथो उपस्थिति हुनेछ। साउथीले प्रतियोगितामा आफ्नो सातौं उपस्थितिको लागि तय गरेका छन्। पहिलो टी-२० उपाधिको खोजीमा रहेको न्युजिल्यान्डका लागि बोल्टले पाँचौं विश्वकप खेल्दैछन्।अलराउन्डर एडम मिल्ने (घुँडा) चोटका कारण प्रतियोगिताबाट बाहिरिएका थिए।
विश्वकपमा न्युजिल्यान्डको पहिलो खेल जुन ७ मा अफगानिस्तानसँग गुयानामा हुनेछ। समूह सी प्रतिस्पर्धामा न्युजिल्यान्डले सह-आयोजक वेस्ट इन्डिज, युगान्डा र पपुवा न्युगिनीसँग खेल्नेछ।
न्यूजिल्यान्ड टोली: केन विलियम्सन (कप्तान), फिन एलन, ट्रेन्ट बोल्ट, माइकल ब्रेसवेल, मार्क चापम्यान, डेभन कनवे, लोकी फर्ग्युसन, म्याट हेनरी, ड्यारल मिचेल, जिमी नीशम, ग्लेन फिलिप्स, रचिन रविन्द्र, मिचेल स्यान्टनर, इश सोधी, टिम साउथी। ट्राभलिङ रिजर्व: बेन सियर्स।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया