यी चारवटा जिल्लामा कोरोना भाईरस संक्रमितको संख्या शुन्य

काठमाडौंः नेपालका कोरोना भाइरसबाट संक्रमणमुक्त भएर डिस्चार्ज भएपछि चारवटा जिल्लामा संक्रमितको संख्या शुन्य भएको छ।  यसरी ती चार जिल्लामा पनि संक्रमितहरु संक्रमणमुक्त भएका हुन् ।

संक्रमणमुक्त भएका जिल्लामा काभ्रेपलाञ्चोक, संखुवासभा, सोलुखुम्बु र भोजपुर रहेका छन् । काभ्रेमा केही दिन अघिसम्म ६ जना मात्र संक्रमित रहेका  थिए। तर उनीहरु निको भइसकेका छन्।  यस्तै संखुवासभामा २, सोलुखुम्बुमा १ र भोजपुरमा पनि ६ जनालाई कोरोना संक्रमण देखिएको थियो।

तर हाल उनीहरु सबै संक्रमणमुक्त भइसकेका छन् । यी चार जिल्लामा संक्रमितको संख्या अहिले शुन्य भएपछि स्वास्थ्य तथा जनसंख्या मन्त्रालयले यी जिल्लालाई ग्रिन जिल्लामा राखेको छ ।

स्वास्थ्य मन्त्रालयको तथ्यांक अनुसार हालसम्म नेपालमा १२ हजार ७ सय ७२ जनामा कोरोना संक्रमणको पुष्टी भएको । संक्रमण देखिएकामध्ये हालसम्म ३ हजार १३ जना निको भएर घर फर्किईसकेका छन् भने २८ जनाको मृत्यु भएको छ ।