लकडाउनको अवधि साउन ७ गतेसम्म थप गर्ने सरकारको निर्णय

काठमाण्डौंः सरकारले हाल कायम रहेको लकडाउनको अवधि साउन ७ गतेसम्म लम्ब्याउने निर्णय गरेको छ। प्रधानमन्त्रीको सरकारी निवास बालुवाटारमा सोमबार साँझ बसेको मन्त्रिपरिषद बैठकले हाल जारी खुकुलो लकडाउनलाई आगामी साउन ७ गतेसम्म लम्ब्याउने निर्णय गरेको हो।

कोरोना संक्रमणको दर बढ्दै गएकाले अहिलेलाई यही शैलीको लकडाउनलाई साउन ७ सम्म निरन्तरता दिने निर्णय भएको एक मन्त्रीले जानकारी दिए। सरकारले यसअघि असार १ देखि लागू हुनेगरी लकडाउनलाई खुकुलो बनाएको थियो। सरकारले चरणबद्धरूपमा लकडाउनलाई खोकुल्लो बताउँदै जाने नीति लिएको थियो।

यद्यपी निश्चित ठाउँको जोखिम अनुसार स्थानीय र प्रदेश सरकारले नै लकडाउन खुकुलो र कडा पार्न सक्नेगरी निर्णय भएको अर्का एक मन्त्रीले बताए। नेपालमा गत वर्ष चैत ११ गतेदेखि लकडाउन लागू गरिएको थियो।

यस्तै, हवाइ उडान र सीमा नाका पनि साउन ७ सम्म लम्ब्याउन निर्णय भएको छ। सीमित बजार पसलहरु सञ्चालन भए पनि भीडभाड हुने सिनेमा हल, सपिङ मल, शैलुन, पार्लर, विद्यालयजस्ता क्षेत्रहरु बन्द अवस्थामा छन्।