मंग्सिर ४, २०८३ शुक्रबार November 20, 2026

लामाचौर कप भलिबल : महिलातर्फ विभागीय एपीएफ क्लब विजयी

गत वर्ष पनि फाइनल खेलेको डायमण्ड उपविजेतामै सीमित

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः पोखरामा आयोजित लामाचौर कपमा महिलातर्फ विभागीय एपीएफ क्लब विजयी भएको छ । शुक्रबार फाइनलमा न्यू डायमण्ड भलिबल टिमलाई ३–१ सेटमा हराउँदै एपीएफले उपाधिसहित १ लाख ५० पुरस्कार प्राप्त गरेको छ । यसपालि पनि उपविजेतामा सीमित डायमण्डले १ लाख प्राप्त गरेको छ ।

पहिलो र दोस्रो सेट आफ्नो पारेको एपीएफले तेस्रो सेट भने गुमाएको थियो । पहिलो सेट २५–२३, दोस्रो सेट २५–२३ सेटमा जितेको हो । तेस्रो सेट डायमण्डले २५–१३ मा जिते पनि चांैथो सेटमा अथक प्रयासबिच पनि बराबरी खेल्न सकेन । चौंथो सेट एपीएफले २५–१० मा जितेको हो । डायमण्ड लामाचौर कपको सुरूआति संस्करणतिर सर्वाधिक सफल टिम भए पनि पछिल्लोपटक विभागीयको वर्चस्व रहँदै आएको छ । डायमण्डले २०६९ देखि लगातार ४ वर्ष उपाधिमाथि कब्जा जमाएको थियो ।

महिलातर्फ एभरेष्ट भलिबल क्लब तेस्रो भयो । घरेलु टिम गण्डकी पुछारमा रह्यो । गत वर्ष पनि फाइनल खेलेको डायमण्ड उपविजेतामै सीमित भएको थियो । नेपाल पुलिसले डायमण्डलाई हराएको हो ।

यसैबीच, पुरुषतर्फको फाइनल लाइट प्रोटेस्टका कारण स्थगित भएको छ । दुई विभागीय टिम एफिएफ र नेपाल पुलिस क्लबले एक एक सेट जितेकोमा तेस्रो सेट लाइट प्रोटेस्टका कारण सुरु हुनै पाएन ।

पहिलो सेटमा एपिएफले २५–२० र दोस्रो सेटमा पुलिसले २७–२५ मा जित हात पारेको हो । पुलिसतर्फ घरेलु टिम गण्डकी चौथोमै सीमित भयो । बागलुङको गलकोट क्लब तेस्रो हुन सफल भयो ।

नवआदर्श सामुदायिक विकास समाज लामाचौरको आयोजनामा २६ औं तीज महोत्सव अवसरमा ४ दिनदेखि महिला पुरुष राष्ट्रिय भलिबल प्रतियोगिता जारी छ । प्रतियोगितामा चार चार टिमले भाग लिएको प्रचार संयोजक दिनेश भण्डारीले बताए । तीजको दिन परेकोले भलिबल प्रतियोगिता हेर्न तथा महोत्सवमा रमाउन हजारौं दर्शक महोत्सवस्थलमा ओइरिएका थिए ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
भारत भ्रमण स्वीकृत गर्दै मन्त्रिपरिषद् बैठकले गर्यो सात महत्त्वपूर्ण निर्णय
२०८३ मंग्सिर ४, शुक्रबार
जुवातास खेलिरहेको अवस्थामा २५ जना पक्राउ
२०८३ मंग्सिर ४, शुक्रबार
नेपाल-नर्वे जलवायु सहकार्य सुदृढ बनाउनबारे छलफल
२०८३ मंग्सिर ४, शुक्रबार
इरानमाथि सैन्य कारबाही अपरिहार्य भएको नेतान्याहुको दाबी
२०८३ मंग्सिर ४, शुक्रबार
राप्रपा महाधिवेशनमा अध्यक्षका लागि ज्ञानेन्द्र शाही पनि मैदानमा
२०८३ मंग्सिर ४, शुक्रबार
हाइड्रो हेरिटेज पर्यटनको गन्तव्य फर्पिङ
२०८३ मंग्सिर ४, शुक्रबार
चाँगुनारायण मन्दिरमा बिहानैदेखि भक्तजनको घुइँचो
२०८३ मंग्सिर ४, शुक्रबार