मंग्सिर ४, २०८३ शुक्रबार November 20, 2026

खेवाङ गोल्डकप फुटबल प्रतियोगिता कात्तिक १० गतेबाट

लालीगुराँस स्पोर्टिङ क्लब सुरुम्खिम र पेदाङ स्पोर्टिङ क्लब सहभागी हुने

शेयर गर्नुहोस:
फन्ट परिवर्तन गर्नुहोस: अ अ अ

ताप्लेजुङ, असोज ११ गते । ताप्लेजुङको सिरिजङ्घा गाउँपालिकामा खेवाङ गोल्डकप फुटबल प्रतियोगिता हुने भएको छ । खेवाङ स्पोर्टिङ क्लबको आयोजनामा आगामी कात्तिक १० गतेदेखि १५ गतेसम्म प्रतियोगिताको सातौं संस्करण हुने भएको हो ।

आयोजक खेवाङ स्पोर्टिङ क्लबले शुक्रबार फुङ्लिङ सदरमुकाममा पत्रकार सम्मलेन गर्दै प्रतियोगिताबारे जानकारी गराएको छ । क्लबका अध्यक्ष विनम माबोका अनुसार प्रतियोगितामा आठ टोलीको सहभागिता रहने र सहभागी हुने टोलीको टुङ्गो पनि लागिसकेको छ ।

कोशी प्रदेशस्तरीय प्रतियोगितामा आयोजक खेवाङ स्पोर्टिङ क्लबसहित जिल्लाभित्रको स्थानीय टोलीमा तेल्लोक स्पोर्टिङ क्लब, नैना कम्पनी प्रालि खेवाङ सहभागी हुने क्लबका अध्यक्ष माबोले जानकारी दिनुभयो । यस्तै लालीगुराँस स्पोर्टिङ क्लब सुरुम्खिम र पेदाङ स्पोर्टिङ क्लब सहभागी हुनेछन् । त्यस्तै जिल्ला बाहिरबाट नेपाल पुलिस क्लब कोशी प्रदेश, रेड स्टर फुटबल क्लब झापा र पाँचथरको कुम्मायक गाउँपालिका टोलीको प्रतियोगितामा सहभागिता रहने छ ।

आयोजकका अनुसार प्रतियोगिताको विजेताले एकलाख ५१ हजार १११ रुपियाँ राशिको नगद पुरस्कारसहित ट्रफी, पदक र प्रमाणपत्र पाउनेछ । उपविजेताले एकलाख एक हजार १११ रुपियाँसहित ट्रफी, पदक र प्रमाणपत्र प्राप्त गर्नेछ ।

यसैगरी प्रतियोगितामा खेलाडीका लागि विभिन्न विधागत पुरस्कारको व्यवस्था गरिएको पनि आयोजक क्लबका अध्यक्ष माबाेले जानकारी दिनुभयो । प्रतियोगिता सम्पन्न गर्नका लागि करिब १५ लाख रुपियाँ खर्च हुने अनुमान गरिएको अध्यक्ष माबोले बताउनुभयो ।

पत्रकार सम्मेलनमा जिल्ला खेलकुद विकास समितिका अधयक्ष नरेन्द्रकुमार लिम्बू (गणेश), पाथीभरा क्षेत्र विकास समितिका अध्यक्ष रक्की थेबे, लाखेजात्रा सञ्चालन समितिका अध्यक्ष देवराज गुरुङलगायतको उपस्थिति थियो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
भारत भ्रमण स्वीकृत गर्दै मन्त्रिपरिषद् बैठकले गर्यो सात महत्त्वपूर्ण निर्णय
२०८३ मंग्सिर ४, शुक्रबार
जुवातास खेलिरहेको अवस्थामा २५ जना पक्राउ
२०८३ मंग्सिर ४, शुक्रबार
नेपाल-नर्वे जलवायु सहकार्य सुदृढ बनाउनबारे छलफल
२०८३ मंग्सिर ४, शुक्रबार
इरानमाथि सैन्य कारबाही अपरिहार्य भएको नेतान्याहुको दाबी
२०८३ मंग्सिर ४, शुक्रबार
राप्रपा महाधिवेशनमा अध्यक्षका लागि ज्ञानेन्द्र शाही पनि मैदानमा
२०८३ मंग्सिर ४, शुक्रबार
हाइड्रो हेरिटेज पर्यटनको गन्तव्य फर्पिङ
२०८३ मंग्सिर ४, शुक्रबार
चाँगुनारायण मन्दिरमा बिहानैदेखि भक्तजनको घुइँचो
२०८३ मंग्सिर ४, शुक्रबार