मंग्सिर ४, २०८३ शुक्रबार November 20, 2026

साफ महिला च्याम्पियनसिप : भुटानसँग बराबरीमा रोकियो नेपाल

बराबरीसँगै समूह ‘बी’ मा रहेको नेपाल र भुटानले एक एक अङ्क बनायो

शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ, कात्तिक २ गते । लगातार पाएको अवसर सदुपयोग गर्न नसक्दा साफ महिला च्याम्पियनसिपको पहिलो खेलमा नेपाल भुटानसँग गोलरहित बराबरीमा रोकिएको छ ।

त्रिपुरेश्वरस्थित दशरथ रङ्शालामा शुक्रबार साँझ भएको खेलदमा नेपालले पहिलो र दोस्रो हाफमा चारवटा राम्रा गोलको अवसर बनाएको थियो । नेपालको लगातार प्रयासमा भुटानकी गोलरक्षक संगीता माङ्गेर बाधक बन्नुभयो ।

दोस्रो हाफको इन्जुरी समयमा समेत नेपालकी सविता रानामगरको पोस्ट छेउको प्रहार पोलमा लागेर फर्किएपछि नेपाल अङ्क बाँड्न बाध्य भयो । साफ महिला फुटबलको इतिहासमा नेपाललाई भुटानले बराबरीमा रोकेको यो पहिलो पटक हो ।

यसअघि साफको ६ संस्करणमा नेपालले चारपटक भुटानसँग खेलेको थियो । जसमा नेपालले सतप्रतिशत जित निकालेको थियो । सन् २०१४ को तेस्रो संस्करणमा नेपालले भुटानलाई ८-०, सन् २०१६ को चौथो संस्करणमा ८-०, सन् २०१९ को पाँचौँ संस्करणमा ३-० र सन् २०२२ को छैटौँ संस्करणमा ४-० ले हराएको थियो ।

तर सातौँ संस्करणमा आएर भुटान नेपाललाई बराबरीमा रोक्न सफल भयो । खेलभर रक्षात्मक रणनिति अपनाएको भुटान अन्ततः आफ्नो रणनितिमा सफल भयो ।

भुटानविरुद्धको खेलमा नेपालकी महत्वपूर्ण खेलाडी सावित्रा भण्डारी ‘साम्बा’ को अभाव खड्किएको थियो । बराबरीसँगै समूह ‘बी’ मा रहेको नेपाल र भुटानले एक एक अङ्क बनाएको छ ।

यही समूहअन्तर्गत शुक्रबार नै भएको अकोृ खेलमा श्रीलङ्काले माल्दिभ्सलाई १–० गोलले हराएको छ । जितसँगै श्रीलङ्काले तीन अङ्क बनाएको छ । नेपालले समूहको दोस्रो खेल सोमबार माल्दिभ्ससँग खेल्नेछ ।

कात्तिक १४ गतेसम्म सञ्चालन हुने च्याम्पियनसिपको समूह ‘ए’ मा साबिक विजेता बङ्गलादेश, भारत र पाकिस्तान रहेको छ । बिहीबार भएको समूह ‘ए’ को पहिलो एवं उद्घाटन खेलमा भारतले पाकिस्तानलाई ५-२ गोलले पराजित गरेको थियो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
भारत भ्रमण स्वीकृत गर्दै मन्त्रिपरिषद् बैठकले गर्यो सात महत्त्वपूर्ण निर्णय
२०८३ मंग्सिर ४, शुक्रबार
जुवातास खेलिरहेको अवस्थामा २५ जना पक्राउ
२०८३ मंग्सिर ४, शुक्रबार
नेपाल-नर्वे जलवायु सहकार्य सुदृढ बनाउनबारे छलफल
२०८३ मंग्सिर ४, शुक्रबार
इरानमाथि सैन्य कारबाही अपरिहार्य भएको नेतान्याहुको दाबी
२०८३ मंग्सिर ४, शुक्रबार
राप्रपा महाधिवेशनमा अध्यक्षका लागि ज्ञानेन्द्र शाही पनि मैदानमा
२०८३ मंग्सिर ४, शुक्रबार
हाइड्रो हेरिटेज पर्यटनको गन्तव्य फर्पिङ
२०८३ मंग्सिर ४, शुक्रबार
चाँगुनारायण मन्दिरमा बिहानैदेखि भक्तजनको घुइँचो
२०८३ मंग्सिर ४, शुक्रबार