सुनको मूल्य ह्वात्तै घट्यो

काठमाडौँ । नेपाली बजारमा बिहीबार सुनको मूल्य तोलामा १ हजार ७ सय रुपैयाँ घटेको छ । नेपाल सुनचाँदी व्यवसायी महासंघका अनुसार बिहीबार सुनको मूल्य तोलामा १ लाख ४९ हजार रुपैयाँ कायम भएको हो ।

यसअघि बुधबार सुनको मूल्य तोलामा १ लाख ५० हजार ७ सय रुपैयाँमा कारोबार भएको थियो ।

त्यसैगरी आज चाँदीको मुल्य पनि ५५ रुपैयाँले घटेको छ । बुधबार तोलामा १ हजार ८ सय ३५ रुपैयाँमा कारोबार भएको चाँदीको मूल्य १ हजार ७ सय ८० रुपैयाँ कायम भएको महासंघले जनाएको छ ।