एकिकृत समाजबादी गण्डकी प्रदेशको प्रथम अधिवेशन माघ २६ र २७ गते

काठमाडौँ । नेकपा एकीकृत समाजवादी गण्डकी प्रदेश समितिले आउँदो माघ २६ र २७ गते प्रथम प्रदेश अधिवेशन गर्ने भएको छ ।

समितिले शुक्रबार पत्रकार सम्मेलन गर्दै आउँदो माघमा प्रथम प्रदेश अधिवेशन पोखरामा गर्ने जानकारी गराएको हो । अधिवेशनको उद्घाटन पार्टी अध्यक्ष माधवकुमार नेपालले गर्ने तय भएको प्रदेश अध्यक्ष श्रीनाथ बरालले जानकारी दिए ।

अधिवेशनमा ४ सय ५० प्रतिनिधि सहभागी हुने बरालले बताए । ५० पार्टी सदस्य बराबर १ जना प्रतिनिधि चयन गरिने र प्रत्येक संघीय निर्वाचन क्षेत्रलाई मानेर प्रतिनिधि चयन हुने आयोजकले जनाएको छ ।