विद्यालयको गेटको ढोका भाँचिदा एक विद्यार्थीको मृत्यु

धनगढी ११ माघः कैलालीको कैलारी गाउँपालिका–९ गदरियास्थित जनता माध्यमिक विद्यालयको गेटको ढोका भाँचिएर बिहीबार कक्षा एकमा अध्ययनरत सात वर्षीय स्थानीय प्रवेश रानाको मृत्यु भएको छ भने एक अर्का विद्यार्थी घाइते छन् ।

विद्यालयको मूल गेट खोल्ने क्रममा फलामे ढोका भाँचिएर रानाको मृत्यु भएको विद्यालयका प्रधानाध्यापक सिताराम चौधरीले बताए ।

प्रधानाध्यापक चौधरीका अनुसार गम्भीर घाइते भएका प्रवेशलाई उपचारका लागि अस्पताल लैजाँदै गर्दा बाटोमै मृत्यु भएको हो । कक्षा दुईमा अध्ययनरत समीर चौधरी घाइते भएका छन् । उनको धनगढीस्थित निसर्ग अस्पतालमा उपचार भइरहेको छ । रासस