राप्रपाले आगामी फागुन र चैत महिनाभर विरोध प्रदर्शन गर्ने (विज्ञप्ती सहित)

काठमाण्डौंः राष्ट्रिय प्रजातन्त्र पार्टी (राप्रपा) ले आगामी फागुन र चैत महिनाभर विरोध प्रदर्शन र जागरणसभा गर्ने निर्णय गरेको छ ।

काठमाण्डौंमा बसेको केन्द्रीय कार्यसमितिको बैठकले फागुनमा प्रदेश र जिल्ला तहमा तथा चैतमा काठमाण्डौं केन्द्रित कार्यक्रम गर्ने निर्णय गरेको छ ।

बैठकका निर्णय सुनाउँदै राप्रपा अध्यक्ष राजेन्द्र लिङ्देनले काठमाण्डौं केन्द्रित कार्यक्रमको स्वरूप पार्टीको केन्द्रीय कार्यसम्पादन समितिको बैठकले तय गर्ने बताए । पार्टीको सदस्यता वितरण अभियानलाई तीव्रता दिने, २०८१ लाई पार्टी प्रवेश वर्ष र २०८२ वैशाख मसान्तभित्र सबै स्थानीय तह र जिल्ला अधिवेशन सम्पन्न गर्ने निर्णय पनि बैठकले गरेको छ ।

केन्द्रीय सदस्यहरूलाई ७७ वटै जिल्लामा हुने जिल्ला अधिवेशनमा पर्यवेक्षकको रूपमा खटाउने र जिल्लामा हुने सबै प्रकारका निर्वाचनको प्रक्रिया र नतिजाको अनुगमन गर्ने जिम्मेवारी दिने निर्णय गरेको उनले बताए । समान विचार भएका व्यक्ति, समूह र दलसँग सहकार्य र मोर्चा निर्माण गर्न राप्रपाले संवाद र सहकार्यको प्रयासलाई निरन्तरता दिने निर्णय समेत गरिएको छ ।

राप्रपाले वैदेशिक रोजगार तथा अध्ययनको सिलसिलामा विदेशमा रहेका नेपालीहरूको राहदानी, भिसा नवीकरण लगायतका समस्याको सहज समाधान गर्न सरकारको ध्यानाकर्षण गराएको छ ।

यस्तो छ निर्णयहरुको पूर्णपाठः