मंग्सिर ४, २०८३ शुक्रबार November 20, 2026

मेसीको दुई गोलमा इन्टर मियामीको रोमाञ्चक जीत

न्याशभिललाई हराउँदै इन्टर मियामी तालिकाको पाँचौँ स्थानमा

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौं : मेजर लिग सकर (एमएलएस)को आफ्नो पछिल्लो खेलमा अर्जेन्टिनी स्टार लियोनल मेसी आबद्ध क्लब इन्टर मियामीले रोमाञ्चक जीत हासिल गरेको छ । इन्टर मियामीले आइतबार बिहान सम्पन्न खेलमा न्याशभिललाई २–१ गोलले हराएको हो ।

इन्टर मियामीको जीतमा दुवै गोल मेसीले नै गरेका हुन् । उनले खेलको दुवै हाफमा एक-एक गोल गरे । खेल शुरू भएको १७ औं मिनेटमै मेसीले आकर्षक गोल गर्दै इन्टर मियामीलाई अग्रता दिलाएका थिए ।

सोही गोलका कारण पहिलो हाफमा इन्टर मियामी अगाडि रह्यो । दोस्रो हाफ शुरू भएलगत्तै न्याशभिलले खेललाई बराबरीमा ल्यायो । न्याशभिलका लागि ४९ औं मिनेटमा हानी मुख्तरले जवाफी गोल गरे ।

खेल प्रतिस्पर्धात्मक रूपमा अघि बढिरहँदा निर्धारित समयको ६२ औं मिनेटमा मेसीले नै टोलीका लागि निर्णायक गोल गरेका थिए । त्यसपछि दुवै टोलीबाट थप गोल हुन सकेन । जीतसँगै इन्टर मियामी अंक तालिकाको पाँचौं स्थानमा उक्लिएको छ ।

हालसम्म १९ खेल खेलेको इन्टर मियामीले ३८ अंक बटुलेको छ । इन्टर मियामीले ११ जीत, पाँच बराबरी र तीन हारको नतिजा निकालेको छ । न्याशभिल भने २२ खेलबाट ४१ अंक जोड्दै तालिकाको तेस्रो स्थानमा आसिन छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
एनपीएलको उपाधि भिडन्त तय, साविक विजेता लुम्बिनी र सुदूरपश्चिम आमनेसामने
२०८३ मंग्सिर ४, शुक्रबार
नेपालले जुन ३ मा लर्ड्समा बंगलादेशसँग टी-२० अन्तर्राष्ट्रिय खेल्ने
२०८३ मंग्सिर ४, शुक्रबार
दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने
२०८३ मंग्सिर ३, बिहिबार
चालु आवको तीन महिनाः मुद्रास्फीति ६.३७ प्रतिशत
२०८३ मंग्सिर ३, बिहिबार
पूर्वमुख्यसचिव अर्यालविरुद्ध पक्राउ पुर्जी जारी
२०८३ मंग्सिर ३, बिहिबार
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार