खड्गबहादुर बस्नेतको निधनप्रति काँग्रेस संसीय दलद्वारा शोक व्यक्त

काठमाण्डौंः नेपाली काँग्रेस संसदीय दलले पूर्वमन्त्री एवम् पूर्वसांसद मोहनबहादुर बस्नेतका पिता खड्गबहादुर बस्नेतको निधन भएकोमा गहिरो दुःख व्यक्त गरेको छ ।

प्रमुख सचेतक बालकृष्ण खाँणले शुक्रबार शोक विज्ञप्ति जारी गरेर पूर्वसांसद बस्नेत र उनको परिवारजनप्रति समवेदना प्रकट गरेका हुन् ।

बस्नेतका पिता खड्गबहादुर बस्नेतको ८४ वर्षको उमेरमा बिहीबार राति महाराजगंजस्थित त्रिवि शिक्षण अस्पतालमा उपचारको क्रममा निधन भएको थियो । खड्गबहादुर बस्नेतको असामयिक दुःखद् निधनप्रति नेपाली कांग्रेस संसदीय दलले गहिरो दुःख व्यक्त गरेको खाँणद्धारा जारी विज्ञप्तीमा जनाईएको छ ।