असार २५, २०८२ बुधबार July 9, 2025

याे निर्वाचन प्रणालीले कुनै पनि पार्टीको बहुमत आउन गाह्रो छ : देउवा

अहिलेको संविधानले देशका सबैजसो समुदायको प्रतिनिधित्व सुनिश्चित गरेको दाबी

शेयर गर्नुहोस:
फन्ट परिवर्तन गर्नुहोस:

काठमाडौं । नेपाली कांग्रेसका सभापति शेरबहादुर देउवाले नेपालको संविधान उत्कृष्ट दस्ताबेज भएको बताएका छन् । नेपाल मुस्लिम संघले नयाँ वर्ष, २०८२ को पूर्वसन्ध्यामा आयोजना गरेको इद मिलन तथा शुभकामना आदानप्रदान कार्यक्रममा देउवाले अहिलेको संविधानले देशका सबैजसो समुदायको प्रतिनिधित्व सुनिश्चित गरेको दाबी गरे ।

सभापति देउवाले भने, “हाम्रो देश अहिले समावेशी समानुतिक प्रतिनिधित्वका आधारमा चलिरहेको छ । यसमा संविधानतः मुस्लिम समुदायको पनि प्रतिनिधित्व भएको छ । नेपालको संविधान अत्यन्तै राम्रो संविधान छ । सबैलाई मिलाएर जाने प्रबन्ध संविधानले नै गरेको छ ।”

देउवाले एउटा दलको बहुमत आउन कठिन अवस्था संविधानमा रहे पनि सबैलाई मिलाउने प्रबन्धनले संविधानलाई उत्कृष्ट बनाएको तर्क गरे ।

“यस संविधानमा रहेको निर्वाचन प्रणालीले कुनै पनि पार्टीको बहुमत आउन चाहिँ गाह्रो छ । तर, बहुमत आउन गाह्रो भए पनि सबैलाई मिलाउन सक्ने संविधान छ,” देउवाले भने, “आदिवासी जनजाति, महिला, मुस्लिमसहित सबैको प्रतिनिधित्व यस संविधानले सुनिश्चित गरेको छ ।”

उनले मुस्लिम समुदाय नेपालको राजनीतिक र सामाजिक क्षेत्रमा अत्यन्तै मेलमिलाप गरेर बसेको बताए । उनले मुस्लिम समुदायमा मिहिनेती स्वभाव संस्कारकै रूपमा रहेको पनि बताए ।

“नेपालगन्जका हुन्, चाहे बारा–रौतहट, चाहे सुनसरी–विराटनगरका मुस्लिम समुदाय अन्य समुदायसँग अत्यन्तै प्रगाढ सम्बन्ध बनाएर बसेको छ,” देउवाले भने, “अत्यन्त मिहिनेती यो समुदायको स्वभाव हो ।”

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
एसइइमा उत्कृष्ट विद्यार्थीलाई बाल्मिकीले गर्‍यो सम्मान
२०८२ असार २४, मंगलबार
विश्व ब्यापार संगठनका प्रतिनिधिसँग उधोग मन्त्री भण्डारीको शिष्टाचार भेट
२०८२ असार २४, मंगलबार
जुम्लामा चट्याङबाट १९७ भेडा मरे
२०८२ असार २४, मंगलबार
आन्दोलनरत चिकित्सक र सरकारबीच तीन बुँदे सहमति : आन्दोलनका सबै कार्यक्रम फिर्ता
२०८२ असार २४, मंगलबार
युरिक एसिडका बिरामीले के खानु हुन्छ, के खानु हुदैँन ? जान्नुहोस्
२०८२ असार २४, मंगलबार
उद्योगका मुद्दा राष्ट्रका मुद्दा हुन्: मन्त्री भण्डारी
२०८२ असार २४, मंगलबार
पूर्वप्रधानन्यायाधीश कल्याण श्रेष्ठलाई यसवर्षको ‘हेमबहादुर मल्ल सम्मान’ प्रदान गरिने
२०८२ असार २४, मंगलबार