नवनियुक्त शिक्षा मन्त्री रघुजी पन्तको उपस्थितिमा भोली मन्त्रालयमै वार्ता हुने

काठमाडौंः आन्दोलनरत शिक्षकहरूसँग संवादका लागि सरकारले भोलि बिहान ७:३० बजे वार्ताको समय तय गरेको छ। शिक्षा, विज्ञान तथा प्रविधि मन्त्रालयले महासंघ अध्यक्षसहित पदाधिकारीहरूलाई उपस्थित हुन आग्रह गरेको हो।

नवनियुक्त मन्त्री रघुजी पन्तको उपस्थितिमा मन्त्रालयमै वार्ता हुने मन्त्रालयद्वारा जारी विज्ञप्तिमा उल्लेख छ।

सर्वोच्च अदालतको आदेश र अघिल्लो वार्ता स्थगित भएको सन्दर्भमा नयाँ मिति तय गरिएको मन्त्रालयले जनाएको छ।