असार २५, २०८२ बुधबार
July 9, 2025
युग खबर
२०७७ भाद्र २, मंगलबार
काठमाडौंः नेपालमा पछिल्लो २४ घन्टामा थप १०१६ मा कोरोना भाइरस सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयमा आयोजित नियमित प्रेस मिटमा मन्त्रालयमा प्रवक्ता प्राडा जागेश्वर गौतम ले पछिल्लो २४ घण्टामा देशभरका प्रयोगशालामा गरिएको नमूना परीक्षणमा १०१६ जना नयाँ सङ्क्रमित थपिएको जानकारी दिए । योसंगै नेपालमा कोरोना संक्रमितको संख्या २८ हजार २५७ पुगेका छ ।
हालसम्म कोरोना निको भएर डिस्चार्ज हुनेको सङ्ख्या १७ हजार ५८० रहेको छ । देशभरमा क्वारेन्टिनमा रहेको सङ्ख्या १३ हजार ९२६ रहेको छ । देशभर जम्मा १० हजार ५६३ सक्रिय सङ्क्रमित आइसोलेशनमा रहेका छन् ।
यसैगरी पछिल्लो २४ घण्टामा कोरोना सङ्क्रमणबाट थप ७ जनाको मृत्यु भएको मन्त्रालयले जनाएको छ । यो सँगै मृतकको सङ्ख्या ११४ पुगेको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया