असार २३, २०८२ सोमबार
July 7, 2025
युग खबर
२०८२ असार २३, सोमबार
काठमाडौं, असार २३ गते । प्रहरीले अमेरिका पठाउने भनी ६९ लाख ५० हजार रुपियाँ ठगी गर्ने ५४ वर्षीय स्वर्णिम कुमार बाँठालाई पक्राउ गरेको छ ।
काठमाडौँ उपत्यका अपराध अनुसन्धान कार्यालयका सूचना अधिकारी काजी कुमार आचार्यका अनुसार बेरोजगार युवायुवतीलाई आकर्षक तलबको प्रलोभन पारी रोजगारीका लागि अमेरिका पठाउने भनी लामो समयसम्म झुक्यानमा राखी उनले सो रकम ठगी गरेका हुन् ।
स्थायी घर रुकुम पश्चिम त्रिवेणी गाउँपालिका वडा नं ४ भएका बाँठा हाल दाङको तुलसीपुर उपमहानगरपालिका वडा नं ५ बस्दै आएका थिए । यसै गरी, अमेरिका पठाउने भनी ४० लाख रुपियाँ ठगी गर्ने ४७ वर्षीय मिङमा डुण्डु शेर्पा पक्राउ परेका छन् ।
प्रहरीका अनुसार स्थायी घर ताप्लेजुङ मिक्वाखोला गाउँपालिका वडा नं ५ भई हाल काठमाडौँ बस्दै आएका शेर्पालाई काठमाडौँ महानगरपालिका–६ बाट पक्राउ गरिएको हो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया