पुजारी हत्याको विरोधमा राजधानीमा राप्रविसंको प्रदर्शनः १२ जना विद्यार्थी प्रक्राउ

काठमाडाैः रौतहट स्थित हनुमान मन्दिरका पुजारी हत्याको विरोधमा राप्रपा सम्बद्ध राष्ट्रिय प्रजातान्त्रिक विद्यार्थी संगठनले घटनाको सत्यतथ्य छानबिन सहित हत्यारालाई कडा कार्बाहिको माग गर्दै प्रदर्शन गरेको छ ।

प्रदर्शनमा सहभागी संगठनका केन्द्रिय अध्यक्ष महेश सिंह लगायत एक दर्जन विद्यार्थी नेता तथा कार्यकर्ताहरुलाई प्रहरीले नियन्त्रणमा लिएकाे जनाएको छ । प्रदर्शनमा  घटनाको सत्यतथ्य छानबिन गर, हत्यारालाई कार्बाही गर, हिन्दुत्व माथिको प्रहार बन्द गर, धर्म निरपेक्षता खारेज गर जस्ता नारा लगाईएको थियो ।

राप्रपा नेता जनकराज पाठकले दिएको जानकारी अनुसार प्रहरिले विद्यार्थी अध्यक्ष महेशबहादुर सिंह, बरिष्ठ उपाध्यक्ष निराजन बम पक्राउ परेकाे जानकारी दिए । त्यस्तै चेतराज सिंह, विमल ऐडी, महेश ओझा, बिजय शाही, आरके सिंह, किसान जोशी, राजकुमार थापा, राम धामी, नरेश माेर, निराजन सहित १२ विद्यार्थी नेता कार्यकर्ताहरूलाई पक्राउ गरि दरबारमार्ग स्थित प्रहरी चौकिमा राखिएको उनले बताए । नेता पाठकले पक्राउ परेकाको यथाशिघ्र रिहाको माग समेत गरेका छन् ।