मन्त्रिपरिषद् बैठकका १९ वटा निर्णय सार्वजनिक (पूर्णपाठ)

काठमाडौं, १० असोज । बिहीबार बसेको मन्त्रिपरिषद् बैठकका १९ वटा निर्णय शुक्रबार सार्वजनिक गरिएको छ। सरकारका प्रवक्ता तथा सञ्चार तथा सूचना प्रविधि मन्त्री जगदीश खरेलले मन्त्रालयमा आयोजित पत्रकार सम्मेलनमार्फत् ती निर्णय सार्वजनिक गरेका हुन्।

बैठकले राजस्व अनुसन्धान विभाग र सम्पत्ति शुद्धीकरण अनुसन्धान विभागलाई अर्थ मन्त्रालयको कार्यक्षेत्रमा ल्याउने निर्णय गरेको छ। त्यस्तै, राष्ट्रिय अनुसन्धान विभागलाई गृह मन्त्रालयअन्तर्गत स्थानान्तरण गरिएको छ।

यस्तै, नेपाली सेनामा पदोन्नति र सरुवासम्बन्धी निर्णय पनि बैठकले गरेको छ। निर्णयअनुसार सेनाका २ जना प्रमुख सेनानीलाई महासेनानी पदमा बढुवा गर्ने, ९ जना महासेनानीलाई सहायक रथी पदमा बढुवा गर्ने र ३ जना सहायक रथीको सरुवा गर्ने निर्णय गरिएको छ।