जुम्लाका सिडिओ सहित ६ जनामा कोरोना संक्रमण पुष्टि

काठमाण्डाैंः जुम्लाका प्रमुख जिल्ला अधिकारी भुपेन्द्र थापा अन्य ६ जनालाई कोरोना संक्रमण पुष्टि भएको छ । कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा स्वाब परीक्षण गर्दा कोरोना संक्रमण देखिएको हो ।

प्रजिअ थापाले कोरोना भाइरसको महामारीको समयमा जनताको जीवनको सुरक्षा गर्ने सिलसिलामा आफू पनि संक्रमित भएको बताएका हुन् ।

जिल्ला विपद् व्यवस्थापन समितिको बैठकमा उपस्थित भएका ३० जनाको स्वाब परीक्षण गर्दा ६ जनामा कोरोना पोजिटिभ देखिएको कर्णाली स्वास्थ्य विज्ञान प्रतिष्ठानका अस्पताल निर्देशक डा.मंगल रावलले जानकारी दिए ।