श्रावण ९, २०८२ शुक्रबार
July 25, 2025
युग खबर
२०७७ भाद्र १९, शुक्रबार
काठमाण्डौंः रातो मच्छिन्द्रनाथ रथ तान्न पाउनु पर्ने माग राख्दै बिहीबार ललितपुरको पुल्चोकमा भएको झडपमा पत्रकारको ज्याकेट लगाएर प्रहरीलाई ढुंगा हान्ने युवालाई प्रहरीले पक्राउ गरेको छ ।
ललितपुरको महालक्ष्मी नगरपालिका वडा नम्बर- १ का अनिस महर्जनलाई इमाडोलबाट पक्राउ गरेको हो ।
प्रहरीको अपराध अनुसन्धान महशाखाको टोलीले महर्जनलाई पक्राउ गरेको प्रहरीले जनाएको छ । पत्रकारको ज्याकेट लगाए पनि महर्जन पत्रकार नभएको खुलेको छ । ‘उ कुनै पनि पत्रकार पनि भएको पाईएन। विभिन्न युटुवर च्यानलमा भिडियो हाल्ने गरेको पाइयो ।’ एसएसपी दीपक थापाले भने ।
पक्राउ परेका ती युवकलाई थप कारबाहीको लागि महानगरीय प्रहरी परिसर ललितपुर पठाइसकेको एसएसपी थापाले जानकारी दिए।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया