नबिल बैंकका १३ कर्मचारीलाई कोरोना संक्रमण

काठमाण्डाैंः वीरगञ्जमा नबिल बैंकका १३ जना कर्मचारीसहित थप २४ जनामा काेराेना संक्रमण पुष्टी भएकाे छ । नारायणी अस्पतालको प्रयोगशालामा शनिबार राती गरिएको पीसीआर परीक्षणमा बैंकका कर्मचारीसहित पर्साका गथप २४ जनामा कोरोना संक्रमण पुष्टि भएको हाे ।

अस्पतालका प्रवक्ता डाक्टर अतुलेश चौरसियाका अनुसार संक्रमण देखिनेमा नबिल बैंक वीरगञ्ज शाखाका पाँच जना कर्मचारीसमेत रहेका छन्। यसअघि पनि नबिल बैंकका ८ जनामा कोरोना संक्रमण पुष्टि भएको थियो । यस्तै वीरगञ्ज महानगरपालिकाका विभिन्न स्थानका २२ जनामा संक्रमण भएको पाइएको छ।

कृषि औजार कारखानामा रहेको सशस्त्र प्रहरी गुल्मका २ जना, कालिकामाई गाउँपालिका ४ का ५३ वर्षका एक पुरुष, जगरनाथपुर गाउँपालिकाका १६ वर्षकी एक किशोरीमा समेत कोरोना संक्रमण पुष्टि भएको छ।