मंग्सिर ३, २०८२ बुधबार
November 19, 2025
युग खबर
२०८२ मंग्सिर ३, बुधबार
काठेखोला (बागलुङ), मङ्सिर ३ गते । गत भदौ २३ र २४ गते जेनजी आन्दोलनको क्रममा कास्की कारागारमा गरिएको तोडफोडपछि फरार भएका कैदी बागलुङमा पक्राउ परेका छन् ।
कास्की कारागार, पोखराबाट फरार भएका बागलुङ जैमिनी नगरपालिका वडा नं. ८ ढकालवारी बस्ने ६० वर्षीय कर्तव्य ज्यान मुद्दाका कैदी गुमानसिंह परियारलाई जिल्ला प्रहरी कार्यालय बागलुङले पक्राउ गरेको हो ।
परियारलाई जिल्ला प्रहरी कार्यालय बागलुङबाट खटिएको प्रहरी टोलीले फेलापारी नियन्त्रणमा लिएको जिल्ला प्रहरी कार्यालय बागलुङका सूचना अधिकारी तथा प्रहरी निरीक्षक केशव थापाले जानकारी दिनुभयो ।
मङ्गलबार पक्राउ परेका नेपालीलाई फैसला कार्यान्वयनका लागि जिल्ला कारागार कार्यालय बागलुङ पठाइएको प्रहरी निरीक्षक थापाले बताउनुभयो । गोप.
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया