निर्वाचन आयोगद्धारा टिकटक भिडियो प्रतियोगितामा नागरिकलाई आह्वान

सोमबार प्रकाशित आयोगको सूचनाअनुसार प्रतियोगितामा उत्कृष्ट तीन भिडियोलाई नगद पुस्कार प्रदान गरिनेछ। पहिलो हुनेलाई ५० हजार, दोस्रोलाई ३० हजार र तेस्रो हुनेलाई २० हजार रुपैयाँ पुरस्कार प्रदान गर्ने निर्वाचन आयोगले जनाएको छ । भ्यूजका आधारमा आयोगले पुरस्कार प्रदान गर्नेछ।

यसका लागि एक मिनेटसम्मको भिडियो बनाएर टिकटकका साथै युट्यूब र फेसबुकमा राख्नु पर्नेछ। भिडियोमा निर्वाचन प्रचारप्रसार, आचारसंहिता तथा मतदाता शिक्षा जस्ता विषय समावेश गर्नुपर्नेछ। त्यही लिंक फागुन ३ गतेदेखि १७ गतेभित्र आयोगको इमेलमा पठाउन भनिएको छ।