सुनको मूल्य तोलाको २ लाख ९५ हजार नाघ्यो

काठमाडौं। स्थानीय बजारमा आज सुनको मूल्यमा सामान्य वृद्धि भएको छ। नेपाल सुनचाँदी व्यवसायी महासंघका अनुसार आज सुनको मूल्य तोलामा ५०० रुपैयाँले बढेको हो।

नयाँ मूल्य निर्धारण भएसँगै सोमबार प्रतितोला दुई लाख ९४ हजार ८०० रुपैयाँमा कारोबार भएको छापावाला सुनको मूल्य आज मंगलबारका लागि दुई लाख ९५ हजार ३०० रुपैयाँ तोकिएको छ।

सुनसँगै आज चाँदीको मूल्यमा पनि वृद्धि भएको छ। महासंघका अनुसार चाँदीको मूल्य तोलामा ४५ रुपैयाँले बढेको छ। सोमबार प्रतितोला पाँच हजार ४० रुपैयाँमा खरिदबिक्री भएको चाँदी आजका लागि भने पाँच हजार ८५ रुपैयाँ निर्धारण गरिएको छ।