सुनचाँदीको मूल्य घट्यो

काठमाडौं । स्थानीय बजारमा आज सुनचाँदीको मूल्यमा सामान्य गिरावट आएको छ । नेपाल सुनचाँदी व्यवसाय महासङ्घका अनुसार आज सुन तोलामा १०० रुपैयाँ र चाँदी ३५ रुपैयाँले घटेको हो ।

महासङ्घका अनुसार आज प्रतितोला सुनको मूल्य दुई लाख ९७ हजार २०० रुपैयाँ र त्यति नै परिमाणको चाँदी चार हजार ९४५ रुपैयाँमा कारोबार भइरहेको छ ।

हिजो बुधबार एक तोला सुनको मूल्य दुई लाख ९७ हजार ३०० रुपैयाँ र त्यति नै परिमाणको चाँदी चार हजार ९८० रुपैयाँमा कारोबार भएको थियो ।