सुनको मुल्य ९ सय रुपैयाँले बढ्यो, चाँदी कति पुग्यो ?

काठमाण्डौंः शुक्रबार नेपालको बजारमा सुनको मुल्य प्रतितोला ९ सय रुपैयाँले बढेको छ ।

हिजो (बिहिबार) सामान्य गिरावट आएको सुनको मुल्य आज पुन: बढेर तोलाको ९४ हजार ८ सय रुपैयाँ निर्धारण गरिएको नेपाल सुनचाँदी व्यवसायी महासंघले जनाएको छ ।

बिहिबार तोलामा २ सय रुपैयाँ घटेकोे सुनको मुल्य तोलाको ९३ हजार ९ सय रुपैयाँ निर्धारण गरिएको थियो ।

यसैगरी सुनको मूल्य बृद्धिसँगै चाँदीको मुल्य पनि आज बढेको छ । चाँदी तोलामा १५ रुपैयाँ बढेर तोलाको १ हजार १ सय ९५ रुपैयाँमा कारोबार भइरहेको महासंघले जनाएको छ ।