सुन–चाँदीको मूल्य बढ्यो

काठमाडौं । नेपाली बजारमा आज सुन–चाँदीको मूल्य बढेको छ। मंगलबार तोलामा १२ सय रूपैयाँले घटेर कारोबार भएको सुनको भाउ बुधबार प्रतितोला आठ सय रूपैयाँ बढेको हो ।

नेपाल सुनचाँदी व्यवसायी महासंघका अनुसार आज सुन तोलाको दुई लाख ८४ हजार आठ सय रूपैयाँ निर्धारण भएको छ। अघिल्लो कारोबार दिन (मंगलबार) सुन प्रतितोला दुई लाख ८४ हजार रूपैयाँमा खरिदबिक्री भएको थियो ।

यस्तै, बुधबार चाँदीको मूल्य पनि वृद्धि भएको छ। बुधबार चाँदी प्रतितोला चार हजार चार सय १५ रूपैयाँमा कारोबार भइरहेको छ ।

मंगलबार चाँदी चार हजार तीन सय ६० रूपैयाँमा कारोबार भएको थियो । यो मूल्य अघिल्लो दिनको तुलनामा ५५ रूपैयाँ बढी हो। अन्तर्राष्ट्रिय बजारमा आज सुन प्रतिऔंस ४ हजार ३२ अमेरिकी डलरमा कारोबार भइरहेको छ ।