कोरोना संकमित ३५ बर्षीय महिलाको उपचारको क्रममा मृत्यु

काठमाण्डाैंः कोरोना संक्रमणमा कारण महिलाको मृत्यु भएको छ । भरतपुरस्थित चितवन मेडिकल कलेजमा उपचाररत रूपन्देहीकी एकजना कोरोना संकमित ३५ बर्षीय महिलाको सोमबार मृत्यु भएको छ ।

अस्पतालका निर्देशक डा।दयाराम लम्सालका अनुसार रुपन्देहीको तिलोत्तमा नगरपालिका –१५ की महिलाको सोमबार दिउँसो ४ बजे उपचारको क्रममा मृत्यु भएको हो । श्वासप्रश्वासमा समस्या भएकी ती महिला असोज २१ गते अस्पताल भर्ना भएकी थिइन ।

असोज २० गते लुम्बिनी प्रादेशीक अस्पताल बुटवलमा कोरोना संक्रमण पुष्टि भएपछि उनलाई थप उपचारका लागि चितवन मेडिकल कलेजमा ल्याइएको थियो ।

कोभिड कक्षको भेन्टिलेटरमा राखेर उनलाई उपचार गरिएको भएपनि बचाउन नसकिएको अस्पतालले जनाएको छ ।