नेप्से परिसुचक सामान्य अंकले बढ्यो, कारोबार रकम २ अर्ब ९० करोडमा सीमित

काठमाडौं । ६ कारोबार दिनपछि मंगलबार सेयर बाजरमा हरियाली छाएको छ । यो दिन नेप्से सूचक ९.२४ अंकले बढेर २५२२.६६ विन्दुमा आइपुगेको हो ।

कारोबार सुरु हुँदा घटेको बजारले त्यसपछि क्रमश घट्न रोकिँदै अन्तिम समयमा ९ अंकले बढेको हो ।

यो दिन लगानीकर्ताले कुल २ अर्ब ९० करोडको कारोबार गरेका छन् । सूचक सुधारिए पनि कारोबार भने सुधारिएको देखिँदैन ।

पछिल्लो ६ कारोबार दिनमा लगानीकर्ताले औसतमा ३ अर्बमाथिको कारोबार गर्दै आए पनि मंगलबार २ अर्ब ९० करोडको मात्रै कारोबार गरेका हुन् ।

हरियाली बनेको बजारमा ८४ कम्पनीको सेयरमूल्य घट्दा १८१ कम्पनीको सेयर मूल्य बढेको छ ।

बढ्नेमा माथिल्लो मैलुङ खोला जलविद्युत् अगाडि छ । उक्त कम्पनीको मूल्यमा ७.१५ प्रतिशतको वृद्धि देखिएको हो । यस्तै घट्नेमा उपकार लघुवित्त वित्तीय संस्था अगाडि छ । यो कम्पनीको मूल्यमा ८.४८ प्रतिशतको गिरावट देखिएको हो ।

कारोबारको आधारमा भने आज सोलु हाइड्रोपावर अगाडि छ । लगानीकर्ताले यो कम्पनीको १३ करोडको कारोबार गरेका हुन् ।