कोरोना संक्रमणबाट सुर्खेतमा महिलाको मृत्यु

काठमाण्डाैंः सुर्खेतमा कोरोना भाइरस संक्रमणबाट थप एक महिलाको मृत्यु भएको छ ।

कर्णाली प्रदेश अस्पतालमा उपचाररत वीरेन्द्रनगर नगरपालिका–८, सुर्खेतकी ८६ वर्षीया महिलाको मंगलबार मृत्यु भएको सामाजिक विकास मन्त्रालयको स्वास्थ्य सेवा महाशाखाका स्वास्थ्य शिक्षा अधिकृत नवराज कँडेलले जानकारी दिए । उनको मंगलबार दिउँसो १ बजे मृत्यु भएको हो ।

ज्वरो आउने र खोकी लाग्ने समस्या देखिएपछि असोज ३० गते बेलुका प्रदेश अस्पतालमा भर्ना भएकी महिलाको स्वास्थ्यमा समस्या बढ्दै गएपछि कात्तिक १ देखि आईसीयूमा राखिएको थियो ।

कात्तिक १ गते बिहान स्वाब संकलन गरी पीसीआर परीक्षण गर्दा उनमा कोरोना संक्रमण पुष्टि भएको कर्णाली प्रदेश अस्पतालका डा प्रदीप पौडेलले जानकारि दिए ।