चालू आर्थिक बर्षको दुई महिनामा झण्डै ७८ अर्ब वैदेशिक ऋणको प्रतिबद्धता

काठमाण्डौंः चालु आर्थिक वर्ष २०७७/०७८ को पहिलो २ महिनाको अवधीमा सरकारलाई झण्डै ७८ अर्ब रुपैयाँ वैदेशिक ऋणको प्रतिबद्धता आएको छ ।

दुई महिनामा ७७ अर्ब ७२ करोड रुपैयाँ वैदेशिक ऋणको प्रतिबद्धता प्राप्त भएको छ । यस्तै ६ अर्ब ३५ करोड रुपैयाँ वैदेशिक अनुदानको प्रतिबद्धता प्राप्त भएको अर्थ मन्त्रालयले जनाएको छ ।

दुई महिनामा वैदेशिक अनुदान र ऋण गरेर ८४ अर्ब ७ करोड रुपैयाँको प्रतिबद्धता प्राप्त भएको छ । यो अघिल्लो वर्षको दुई महिनाको तुलनामा ५ सय ८१ प्रतिशतले धेरै हो ।

कुल प्रतिबद्धता मध्ये ऋणको हिस्सा ९२ दशमलव ४ प्रतिशत रहेको छ भने अनुदानको हिस्सा ७ दशमलव ६ प्रतिशत रहेको छ ।