सुनचाँदीको मूल्य ह्वात्तै घट्यो

काठमाण्डौं । साताको अन्तिम दिन नेपाली बजारमा सुनको मूल्य घटेको छ ।

तिहार पछि बजार खुल्दा सुनको मूल्य प्रतितोला १२ हजार ६ सय रुपैयाँ घटेको छ । नेपाल सुनचाँदी व्यवसायी महासंघले शुक्रबार मूल्य समायोजन गरेको हो । मूल्य समायोजन हुँदा तोलामा १२ हजार ६ सय रुपैयाँ घटेको हो ।

शुक्रबार सुनको मूल्य प्रतितोला २ लाख ७१ हजार ७ सयमा बिक्री भइरहेको छ । यसअघि गत सोमबार २ लाख ८४ हजार ३ सय रुपैयाँमा सुनको कारोबार भएको थियो ।

त्यस्तै चाँदीको भाउ तोलामा १५५ रुपैयाँ घटेको छ । सोमबार प्रतितोला ३ हजार ८५५ रुपैयाँ रहेको चाँदी ३ हजार ७ सय रुपैयाँमा झरेको छ।