धनगढी प्रहरी हत्याकाण्ड : थप एक जना पक्राउ

काठमाण्डौंः प्रहरी हत्याकाण्डमा जोडिएपछि कैलालीका एक जना व्यापारीलाई पक्राउ गरेको छ ।

कैलालिको धनगढी उपमहानगरपालिकाको जुगेडामा प्रहरी असई र जवानको तस्करहरूले हत्या गरेको घटनामा जोडिएपछि व्यापारी राजीव गुप्तालाई पक्राउ गरेको जानकारी दिएको छ ।

जुगेडा चौकीका इन्चार्ज रहेका असई गोविन्द विक र जवान रामबहादुर साउदको विभत्स हत्या भएको त्यसरात तस्करी भएको मटर गुप्ताको भएको भन्दै मंगलबार प्रहरीले पक्राउ गरेको हो ।

सुदूरपश्चिम प्रदेश प्रहरी कार्यालयका प्रवक्ता तथा वरिष्ठ प्रहरी उपरीक्षक मुकेशकुमार सिंहले उनलाई हिरासतमा राखी अनुसन्धान भइरहेको जनाएका छन । सिंहले भने ‘त्यो घटनामा सुरूमा सात जना, त्यसपछि एक जना गरी आठ जनालाई पक्राउ गरी बयान लिँदा ती व्यापारीको नाम आएपछि पक्राउ गरेर अनुसन्धान हुँदैछ,।

घटनामा संलग्नता देखिएका ९ जनालाई प्रकाउ गरेर उनीहरूविरूद्ध मुद्दा दायर गरी प्रहरीले अनुसन्धान गरिरहेको बताइएको छ । धनगढी उपमहानगरपालिका वडा नम्बर १० का पर्कु भन्ने वर्ष ३१ को रोहित राना, वर्ष २० का राजेन्द्र राना, वर्ष ३० का चोर भन्ने सुरेश राना, वर्ष २५ का गब्बर भन्ने राजकुमार राना, वर्ष २२ का रामनिवास राना, वर्ष २९ का टल्लु भन्ने दलराम राना, वर्ष २५ का राम गोपाल राना र अर्का रोहित राना पक्राउ परेका हुन् ।