असार २७, २०८२ शुक्रबार
July 11, 2025
युग खबर
२०७७ कार्तिक २१, शुक्रबार
काठमाण्डौंः नेपालमा शुक्रवार थप २ हजार ९०९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार नेपालमा शुक्रवारसम्म सक्रिय संक्रमितको संख्या ३४ हजार ९०५ जना रहेका छन् ।
यो सँगै नेपालमा कोरोना संक्रमितको संख्या १ लाख ८८ हजार ८८३ जना पुगेको छ । नेपालमा हालसम्म कोरोनाबाट निको हुनेको संख्या १ लाख ५२ हजार ९०८ जना पुगेको छ। मन्त्रालयका अनुसार विगत २४ घण्टामा थप १८ जनाको कोरोना संक्रमणबाट मुत्यु भएको छ ।
योसँगै कोरोना संक्रमणबाट १ हजार ७० जनाको मृत्यु पुष्टि भएको छ । पछिल्लो २४ घण्टामा ४ हजार ५०० जना कोरोना संक्रमणबाट मुक्त भई डिस्चार्ज भएका छन् ।
मन्त्रालयका अनुसार हालसम्म नेपालमा १५ लाख १७ हजार ३४३ ओटा पीसीआर परीक्षण भएको छ। मन्त्रालयका अनुसार हाल क्वारेन्टाइनमा १ हजार २५४ जना रहेका छन् भने आईसोलेशनमा ३४ हजार ९०५ जना रहेका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया