नेपालमा एकैदिन १ हजार ९४६ जनामा कोरोना संक्रमण- हालसम्म १ हजार २१५ जनाको मृत्यु पुष्टि

काठमाडौंः नेपालमा शनिवार थप १ हजार ९४६ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार नेपालमा शनिवारसम्म सक्रिय संक्रमितको संख्या ३६ हजार ४५२ जना रहेका छन् ।

योसँगै नेपालमा कोरोना संक्रमितको संख्या २ लाख ८ हजार २९९ जना पुगेको छ । नेपालमा हालसम्म कोरोनाबाट निको हुनेको संख्या १ लाख ७० हजार ६३२ जना पुगेको छ। मन्त्रालयका अनुसार विगत २४ घण्टामा थप १३ जनाको कोरोना संक्रमणबाट मुत्यु भएको छ ।

योसँगै कोरोना संक्रमणबाट १ हजार २१५ जनाको मृत्यु पुष्टि भएको छ । विगत २४ घण्टामा २ हजार ५०३ जना कोरोना संक्रमणबाट मुक्त भई  डिस्चार्ज भएका छन् ।

मन्त्रालयका अनुसार हालसम्म नेपालमा १६लाख २ हजार ६०३ ओटा पीसीआर परीक्षण भएको छ। मन्त्रालयका अनुसार हाल क्वारेन्टाइनमा १ हजार ५७ जना रहेका छन् ।  त्यसैगरी आईसोलेशनमा ३६ हजार ४५२ जना रहेका छन् ।