नेपालमा थप १ हजार १९७ जनामा कोरोना संक्रमण – २ हजार ९३४ जना कोरोना संक्रमण मुक्त

काठमाडौंः नेपालमा सोमवार थप १ हजार १९७ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार नेपालमा सोमवारसम्म सक्रिय संक्रमितको संख्या ३३ हजार ३७९ जना रहेका छन् ।

योसँगै नेपालमा कोरोना संक्रमितको संख्या २ लाख १० हजार ९७३ जना पुगेको छ । नेपालमा हालसम्म कोरोनाबाट निको हुनेको संख्या १ लाख ७६ हजार ३६४ जना पुगेको छ। मन्त्रालयका अनुसार विगत २४ घण्टामा थप ९ जनाको कोरोना संक्रमणबाट मुत्यु भएको छ ।

योसँगै कोरोना संक्रमणबाट १ हजार २३० जनाको मृत्यु पुष्टि भएको छ । विगत २४ घण्टामा २ हजार ९३४ जना कोरोना संक्रमणबाट मुक्त भई  डिस्चार्ज भएका छन् ।

मन्त्रालयका अनुसार हालसम्म नेपालमा १६लाख १३ हजार ९११ ओटा पीसीआर परीक्षण भएको छ। मन्त्रालयका अनुसार हाल क्वारेन्टाइनमा १ हजार १३ जना रहेका छन् ।  त्यसैगरी आईसोलेशनमा ३३ हजार ३७९ जना रहेका छन् ।