सुनको मूल्य उकालो लाग्यो

काठमाडौंः नेपाली बजारमा सुनको मूल्य उकालो लागेको छ । स्थानिय बजारमा अघिल्लो कारोबारको दिन अर्थात् मंगलवार रू. १०० ले घटेको सुनको मुल्य आज बिहीवार रू. ३०० ले बृद्धि भएको हो ।

नेपाल सुनचाँदी व्यवसायी महासंघका अनुसार बिहीवार छापावाला सुन प्रतितोला रू. ८९ हजार ८०० मा कारोबार भएको छ । मंगलवार छापावाला सुनको मूल्य प्रतितोला रू. ८९ हजार ५०० मा कारोबार भएको थियो । मंगलवारको तुलनामा बिहीवार छापावाला सुन प्रतितोला रू. ३०० ले बढेको हो ।

त्यसैगरी, तेजाबी सुन प्रतितोला रू. ८९ हजार ३५० मा कारोबार भएको छ । मंगलवार तेजाबी सुन प्रतितोला रू. ८९ हजार ०५० मा कारोबार भएको थियो ।

यस्तै, बिहीवार चाँदीको मूल्य पनि बढेको छ । मंगलवार प्रतितोला रू. १ हजार २६० मा कारोबार भएको चाँदी बिहीवार प्रतितोला रू. १ हजार २९० खरीदविक्री भइरहेको छ । मंगलवारको तुलनामा बिहीवार चाँदी रू. ३० ले बढेको हो ।