असोज १९, २०८१ शनिबार
October 5, 2024
न्युज डेस्क
२०७६ मंग्सिर १, आइतबार
काठमाडौं । नेपाली कांग्रेसका प्रवक्ता विश्वप्रकाश शर्माले कालापानीका पक्षमा प्रदर्शन गरेका नेविसंघमाथि प्रशासनले बल प्रयोग गरेकोभन्दै आपत्ति जनाएका छन् ।
शर्माले राष्ट्रिय झण्डासँगै नेविसंघको झण्डा फहराउँदै, कालो बेलून उडाँदै कालापानीका पक्षमा प्रदर्शन गर्दा बल प्रयोग भएकोप्रति आपत्ति जनाएका हुन् ।
‘राष्ट्रिय झण्डासँगै नेविसंघको झण्डा फहराउँदै कालो बेलून उडाउँदै सडकमा निक्लदै गरेका विद्यार्थीलाई ठूलो संख्यामा बल प्रयोग गरेर अस्कल क्याम्पसको गेटमा रोक्ने प्रयत्न’ भन्दै भिडियोसहित शर्माले ट्वीट गरेका छन् ।
शर्माले यस विषयमा सरकारसँग जवाफ मागेका छन् । ‘कालापानीका पक्षमा प्रदर्शन पनि अस्वीकार्य हुन लागेको हो सरकार ? जवाफ चाहियो,’ शर्माले ट्वीटमा लेखेका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया