वैशाख २१, २०८१ शुक्रबार
May 3, 2024
युग खबर
२०७८ वैशाख ४, शनिबार
काठमाण्डौंः नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एमालेका बरिष्ट नेता माधवकुमार नेपालबिच भेटवार्ता भएको छ ।
अध्यक्ष प्रचण्ड बालुवाटार नछिर्ने बताईरहेको बेला प्रधानमन्त्रीले डाकेको बैठकमा नपुग्दै उनीहरुबीच कोटेश्वरस्थित चन्द्रलाल श्रेष्ठको घरमा शनिवार बिहान भेटवार्ता भएको हो । नेता नेपाल आज बिहान झापाबाट फर्किएलगत्तै भएको भेटवार्तामा माओवादी नेता नारायणकाजी श्रेष्ठ प्रकाश पनि सहभागी थिए ।
श्रोतका अनुसार भेटमा पछिल्लो राजनीतिक परिवेश र भावी रणनीतिबारे छलफल भएको छ । प्रधानमन्त्री केपी शर्मा ओलीको आह्वानमा आजै बालुवाटारमा सर्वदलीय बैठक बस्दैछ । त्यसअघि नेपाल र प्रचण्डबिच गोप्य वार्ता भएको हो ।
ओलीले बोलाएको सर्वदलीय बैठक बहिस्कार गरेका प्रचण्डले एमालेबाट निलम्बित नेता नेपालसँग भेट गर्नुलाई अर्थपूर्ण रुपमा लिइएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया