असार २९, २०८२ आइतबार
July 13, 2025
युग खबर
२०७८ बैसाख २७, सोमबार
काठमाण्डौंः एनआईसी एशिया बैंकले आफ्नो स्वामित्वमा रहेको महुली लघुवित्त र नेशनल लाइफ इन्स्योरेन्सको संस्थापक शेयर आज (सोमवार) देखि लिलामीमा विक्री खुला गरेको छ ।
कम्पनीले महुली लघुवित्तको ५६ हजार २७० हजार कित्ता र नेशनल लाइफ इन्स्योरेन्सको ४१ हजार ८९६ कित्ता संस्थापक शेयर लिलामीमा विक्री खुला गरेको हो ।
उक्त शेयर खरीद गर्न इच्छुक विद्यमान संस्थापक वा व्यक्ति, कम्पनी तथा संस्थाले कम्पनीले जेठ १० गतेसम्म बोलपत्र पेश गर्न सक्नेछन् ।
महुली लघुवित्तको शेयरको न्यूनतम मूल्य रू. ७८३ र नेशनल लाइफ इन्स्योरेन्सको रू. ४४९ तोकिएको छ । आवेदकले तोकिएको मूल्य वा सोभन्दा बढी मूल्य अंकित गरी बोलकबोल गर्नुपर्ने हुन्छ ।
महुली लघुवित्तको शेयर खरीदका लागि बोलकबोल गर्दा न्यूनतम ५०० कित्ता र नेशनल लाइफ इन्स्योरेन्सको लागि बोलकबोल गर्दा न्यूनतम १०० कित्तादेखि दुवै कम्पनीको अधिकतममा सम्पूर्ण कित्तासम्म माग गर्न सकिने व्यवस्था छ ।
कम्पनीको शेयर विक्री प्रबन्धकमा एनआईसी एशिया क्यापिटल लिमिटेड रहेको छ । आर्थिक अभियानबाट
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया