कोरोनाका कारण आन्तरिक उडान अनिश्चितकाल सम्मका लागि बन्द

काठमाडौंः नागरिक उड्डयन प्राधिकरणले व्यावसायिक आन्तरिक उडान अनिश्चितकालका लागि बन्द गरेको छ । कोरोना भाइरस संक्रमणको कारण देखाउँदै प्राधिकरणले अर्को सूचना जारी नभएसम्मका लागि आन्तरिक उडान बन्द गरिएको जनाएको हो ।

सरकारले यसअघि दोस्रो लहरको कोरोना संक्रमणको चेन ब्रेक गर्न (सीसीएमसी) निर्देशक समितिको सिफारिसमा वैशाख २० देखि वैशाख ३१ गते मध्यरातिसम्म (१२ दिन) का लागि आन्तरिक उडान बन्द गर्ने निर्णय गरेको थियो ।

तर, प्राधिकरणले आन्तरिक रुटमा भने आपतकालीन उद्दार, कार्गो तथा हेलिकप्टर चार्टर्डलाई परिस्थितिअनुसार अनुमति दिइने बताएको छ ।