कोरोना कहरः इलाममा ५६ जनामा कोरोना पुष्टी, एकैदिन २३ जना संक्रमणमुक्त

काडमाण्डौंः इलाममा आज थप ५६ जनामा कोरोण संक्रमण पुष्टि भएको छ । संक्रमित हुनेहरुमा सबै भन्दा बढी इलाम नगरपालिकामा ३८ जना थपिएका छन्, जसमध्ये २५ जना पुरुष र १३ जना महिला रहेका छन् ।

त्यस्तै, सूर्योदय नगरपालिकाका २ जना पुरुष र २ जना महिला, चुलाचुली गाउँपालिकामा ५ जना पुरुष र ५ जना महिला, रोङ गाउँपालिकामा १ जना महिला र फाकफोकथुम गाउँपालिकामा ३ जना पुरुष रहेका छन् ।

इलाममा हालसम्म ३१० जनामा कोरोना सक्रमण पुष्टि भएको छ । सबै भन्दा बढी कोरोना संक्रमण इलाम नगरपालिकामा फैलिएको छ, जहाँ ७४ जना महिला र ९५ जना पुरुष गरी १६९ जना संक्रमित रहेका छन् ।

इलामको एक मात्र स्थानीय तह सन्दकपुर गाउँपालिका कोरोना संक्रमणबाट सुरक्षित रहेको छ ।

थप एकको मृत्यु

इलाममा आज थप एक संक्रमित पुरुषको मृत्यु भएको छ । मृत्यु हुनेमा इलाम नगरपालिका ९ का ३४ वर्षीय पुरुष रहेका छन् । इलाममा हालसम्म कोरोना संक्रमणका कारण मृत्यु हुनेको संख्या ११ पुगेको छ ।

मृत्यु हुनेहरुमा चुलाचुली गाउँपालिकाका३ जना, इलाम नगरपालिकाका ५ जना, देउमाइ नगरपालिकाका १ जना, सूर्योदय नगरपालिका १ जना र माइजोगमाइका १ जना रहेका छन् । त्यस्तै इलाममा कोराना संक्रमणमुक्त हुनेहरुको संख्या २३ पुगेको छ । रासस