ओली नेतृत्वको मुल पार्टीको पक्षमा उभिन एमालेका कार्यकर्तालाई १६ जबसको संयुक्त आव्हान (विज्ञप्ती सहित)

काठमाडौंः सत्तारुढ नेकपा एमाले निकट जनसंगठनहरुले एमालेलाई कमजोर पारेर विखण्डनको दलदलमा फसाउन चाहने कुनै गतिविधि विरुद्धमा सशक्त ढंगले लाग्‍न अपिल गरेका गरेका छन् ।

विभिन्‍न १६ जनसंगठनहरुले मंगलबार संयुक्त रूपमा विज्ञप्ति जारी गर्दै मूल पार्टीको पक्षमा दृढतापूर्वक उभिई राष्ट्रिय आकांक्षालाई पूरा गर्न एकजुट भई लाग्‍न अनुरोध गरेका हुन् ।

संयुक्त जारी गरिएको प्रेश विज्ञप्तीमा ‘आशा र भरोसाका केन्द्रको रुपमा रहेको नेकपा (एमाले) लाई तोड्ने र कमजोर पारेर विखण्डनको दलदलमा फसाउन चाहने कुनै पनि प्रकारका नकारात्मक गतिविधिहरुका विरुद्धमा सशक्त ढंगले लाग्न पनि आम कार्यकर्तालाई अपिल गर्दछौं,’ भनिएको छ ।