बागमती प्रदेशको मुख्यमन्त्री दाबी गर्न दलहरुलाई प्रदेश प्रमुखको आह्वान (विज्ञप्ती)

काठमाडौंः बागमती प्रदेशका प्रमुख यादवचन्द्र शर्माले भोलि बिहिबार ३ बजेसम्म बागमती प्रदेशको मुख्यमन्त्री दाबी गर्न दलहरुलाइ आव्हान गरेका छन् ।

प्रदेश प्रमुख शर्माले बिहीबार दिउँसो ३ बजेभित्र मुख्यमन्त्रीका लागि दाबेदारी प्रस्तुत गर्न प्रदेसभाका सदस्यहरुलाई आह्वान गरेका हुन्।

प्रदेश प्रमुखको कार्यालयका प्रवक्ता कृष्णप्रसाद आचार्यले जारी गरेको विज्ञप्तिमा नेपालको संविधानको धारा १६८ को उपधारा २ अनुसार प्रदेशसभामा प्रतिनिधित्व गर्ने दुई वा दुई भन्दा बढी दलको समर्थनमा बहुमत प्राप्त प्रदेशसभा सदस्यलाई मुख्यमन्त्रीमा दावी पेश गर्न आह्वान गरिएको छ।