दाइजोसमेत पति महाराजका नाममा हुँदा मुमा बडामहारानी रत्नको बिचल्ली

काठमाण्डौंः शाहबंसका लोकप्रिय राजा महेन्द्रकी महारानी यतिवेला औषधी र पानीसमेत प्राप्त गर्न नसक्ने अवस्थामा पुग्नुभएको छ भन्दा कतिलाइ विश्वास नलाग्ला ? हो अहिले ९४ वर्षीया मुमाबडामहारानी रत्नः खानेपानीसमेतको अभाव झेलेर बाँचिरहनुभएको छ ।

तात्कालिन श्री ५ महाराजाधिराज महेन्द्र वीर विक्रम शाहदेवसँग विवाह गरी बडामहारानी बन्नुभएकी रत्न राज्यलक्ष्मीदेवी शाहका लागी पति राजा महेन्द्रले मुलुकका विभिन्न ठाँउमा बंगला निर्माण गर्नुभयो । उहाँकै लागी चितवनमा दियालो बंगला र उहाँको नाममा पोखरामा रत्न मन्दिर बने ।  बडामहारानीका नाममा बंगलाहरूको निर्माण भए पनि दस्तावेजमा उहाँको नाम थिएन।

दरबारका महिलाको नाममा सम्पति राख्ने चलन थिएन र राख्नुपर्छ भन्ने मान्यता पनि थिएन । दरबारका महारानी, युवरात्री राजकुमारीहरूको आफ्नै स्वतन्त्र अस्तित्व नहने हुँदा उहाँहरूको नागरिकतासमेत  हुँदैनथ्यो । आफूले व्यवहार गर्नु नपर्ने भएपछि नागरिकताको आवश्यकता नै पर्दैनथ्यो । मुमा बडामहारानी रत्न र रानी ऐश्वर्य, कोमल तथा अधिराजकुमारी दाइजोस्वरूप जग्गा र घरहरू राजाकै नाममा राखियो ।

कुनै बेला जिन्दगीको लडाई असहाय रूपमा एक्लै लड्नु पर्ला भनी कल्पना पनि नगर्नुभएकी मुमा बडामहारानी रत्नको साथमा अहिले सम्पतिको नाममा यो पृथ्वीमा केही पनि छैन । आफ्ना पतिराजा महेन्द्रको पत्नीले भोग चलन गर्न पाउनुपर्ने हो तर पतिको अंश त के आफ्ना बाबुले दिएको दाइजो समेत उहाँसँग छैन । सबै सम्पति राज्यले अधिग्रहण गरेका कारण उहाँले जिन्दगीको उत्तराद्धमा खाली हात हुनुपरेको छ ।

२०६३ सालको परिवर्तनपछि २०६४ सालमा नेपाल ट्रष्टको स्थापना पनि गरी राजा वीरेन्द्र रानी ऐश्वर्य र राजपरिवारको सम्पति नेपाल ट्रस्टको नाममा राखियो  । घटना र बिचारबाट