श्रीस्वस्थानी व्रतकथा सुरु, शालीनदीमा मेला

काठमाडौं । स्वस्थानी व्रतकथा आजबाट शुरु भएको छ। प्रत्येक वर्ष पौष शुक्ल पूर्णिमादेखि माघ शुक्ल पूर्णिमासम्म एक महिना स्वस्थानी कथा सुन्ने र सुनाउने गरिन्छ।

स्वस्थानीको ब्रत बसे मनोकांक्षा पूरा हुने धार्मिक विश्वास छ। आजदेखि काठमाडौँको शालीनदीमा स्वस्थानी मेला सुरु भएको छ।

एक महिनासम्म चल्ने शालीनदी मेलाका लागि सम्पूर्ण तयारी पूरा भइसकेको मूल आयोजक समितिका अध्यक्ष गोविन्दबहादुर श्रेष्ठले जानकारी दिएका छन।

महानगरीय प्रहरी प्रभाग साँखुले पनि सुरक्षाका लागि प्रहरी ‘हेल्प डेस्क’को स्थापना गरेको छ।

साँखु प्रभागका प्रमुख प्रहरी निरीक्षक गोविन्द पन्थीले सुरक्षाका लागि मेलामा ७० जना युनिर्फम तथा अन्य सादा पोशाकमा प्रहरी टोली परिचालन गरिएको बताएका छन।