काँग्रेस केन्द्रीय सदस्यमा प्रमोदहरी गुराँगाईलाई नै भोट किन ? यस्तो छ कारण

काठमाण्डौंः नेपाल विद्यार्थी संघका पूर्वउपाध्यक्ष प्रमोदहरि गुरागाईंले काँग्रेसको १४औँ महाधिवेशनमा केन्द्रीय सदस्यमा उम्मेदवारी दर्ता गरेका छन् । कांग्रेसका युवाहरुमा पनि शिक्षित नेताको  गुरागाईंले शनिवार राष्ट्रिय सभा भृकुटिमण्डपमा केन्द्रीय सदस्य खुलातर्फ उम्मेदवारी दिएका हुन् ।

नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानका सदस्यसमेत रहेका गुरागाँईले राजनीतिक अनुभवलाई उम्मेदवारीको आधारका रूपमा प्रस्तुत गरेर आफुले उम्मेदार मनोनयन गरेको बताएका छन्।

नेपाली कांग्रेस लोकतान्त्रिक समाजवादको बाटोमा हिड्ने पार्टी भएकोले यस पार्टीले शिक्षा, स्वास्थ्य र नागरिकप्रतिको उत्तरदायित्वलाई  आफ्नो मूल एजेण्डा बनाउनु पर्ने तर्क दिँदै हिड्ने गुराँगाइ पार्टीका हरेक कार्यक्रमहरुमा सहभागी हुन्छन् भने उनी ४० भन्दा बढी जिल्लाहरुमा पार्टीको प्रशिशणका रुपमा प्रशिक्षक भई खटिएका समेत छन्।

स्नातोकत्तर सम्मको उच्च शिक्षा हासिल गरेका गुराँगाईले कांग्रेसको क्रियाशील सदस्यता नुवाकोटबाट लिएका हुन् । १७ वर्ष अघि नेपाली कांग्रेस नुवाकोट जिल्ला कार्यसमितिको सदस्य समेत भएका थिए ।

करिब १३ वर्षअघि उनले आफ्नो सदस्यता नुवाकोटबाट काठमाडौंमा सारेका छन् । अहिले उनले आफ्नो राजनीतिको कर्मथलो काठमाडौमा सक्रिय बनाएका छन् । गुरागाईंले नेविसंघको क्षेत्रीय नेतृत्व तथा तीनपटक केन्द्रीय समिति सदस्य र एकपटक उपाध्यक्ष गरी चार कार्यकाल बिताएका थिए ।

उनी लामो समयसम्म नेपाली कांग्रेसको भ्रातृ संस्था नेपाल विद्यार्थी संघ (नेविसंघ) को राजनीतिमा सक्रिय भएको अनुभव सुनाउछन् । नेविसंघमा हुँदा उनी तीन पटक पटक केन्द्रीय सदस्य भएका थिए । एक पटक उनी केन्द्रीय उपाध्यक्ष पनि भए । त्यसबेला उनी पटक पटक नेविसंघको कार्यबाहक अध्यक्षको समेत जिम्मेवारी पुरा गरेका थिए । गुरागाईं संस्थापनइतर समूहनिकट भएर पनि सबै काँग्रेसी जनको मनमा बस्न सफल भएका छन् । उनको यो पहिलो पटक केन्द्रीय सदस्यमा उम्मेदवारी भएकोले जित पनि सुनिश्चित भएको दाबी गर्छन् । जे होस् उनलाइ हाम्रो पनि धेरै धेरै शुभकामना ।