असार २५, २०८२ बुधबार
July 9, 2025
युग खबर
२०७९ जेठ २०, शुक्रबार
काठमाडाैंः नेकपा माओवादी केन्द्रको शुक्रबार बस्ने भनिएको केन्द्रीय समिति बैठक स्थगित भएको छ।
संसद बैठक जारी भएकाले बैठक स्थगित गरिएको पार्टी केन्द्रीय कार्यालयले जनाएको छ।
माओवादीले आज बेलुका बस्नेगरी भर्चुअल केन्द्रीय समिति बैठक तय गरेको थियो। अर्को बैठक कहिले बस्ने भन्ने टुंगो लागेको छैन।
बैठकमा स्थानीय तह निर्वाचनको समीक्षा, अमेरिकी सहयोग परियोजना (एमसिसी) र केन्द्रीय समितिको पूर्णता दिने विषयमा छलफल गर्ने भनिएको थियो।
स्थानीय चुनावपछिको पहिलो बैठक केन्द्रीय समिति बैठक बोलाए पनि अन्तिम समयमा स्थगित भएको हो।
आज संसदमा अर्थमन्त्री जनार्दन शर्माले आगामी आर्थिक वर्षको बजेटमाथिको सैद्धान्तिक छलफलमा जवाफ दिएर सक्ने कार्यक्रम छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया