असार २६, २०८२ बिहिबार
July 10, 2025
युग खबर
२०७९ असार २८, मंगलबार
काठमाडौंः नेपाली काँग्रेसका प्रवक्ता प्रकाशशरण महतले पाँच दलीय गठबन्धन सरकारका एक वर्षका कामकारबाही सन्तोषजनक भएको बताएका छन् । उनले सरकारको काममा असन्तुष्टि जनाउनुपर्ने कारण नभएको बताए ।
केन्द्रीय कार्यसमितिको बैठकमा काँग्रेसकै नेता कार्यकर्ताले गठबन्धन सरकारका कामकारबाहीबारे प्रश्न उठाइरहेका छन् । प्रवक्ता महतले भने सरकारको एक वर्षे कार्यकाल सन्तोषजनक रहेको बताए ।
यो सरकारले कोभिड-१९ महामारीको व्यवस्थापन गर्यो, वैदेशिक नीतिको अन्योलता हटेको छ, उनले भने, ‘यो सरकार बनेपछि भ्रष्टाचार रोकिएको छ । यो गठबन्धनको सरकार हो जनताका सबै खाले अपेक्षाहरु पूरा नहुन सक्छन् । तैपनि सरकारका काम र उपलब्धि सन्तोषजनक छन् ।’
प्रवक्ता महतले देउवा नेतृत्वको सरकारले एमसीसीमा रहेको अन्योलता हटाउने काम गरेको बताए ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया